لاہور (نیوزڈیسک )ن لیگ کے اہم رہنما خواجہ سعد رفیق نے مریم نواز کو وارننگ دیتے ہوئے کہاہے کہ مریم نواز کو محتاط رہنے کی ضرورت ہے۔انہوں نے بھی سابق وزیر داخلہ چوہدری نثار کی مریم نواز سے متعلق رائے کی توثیق کر دی ہے۔ خواجہ سعد رفیق کا کہنا ہے کہ مریم نواز بہت محنت کر رہی ہیں تاہم تاحال ان کا
بے نظیر بھٹو سے موازنہ نہیں کیا جا سکتا۔خواجہ سعد رفیق کا مزید کہنا ہے کہ مریم نواز کو محتاط رہ کر چلنا ہو گا۔ انہیں اپنی گفتگو میں بھی محتاط رہنے کی ضرورت ہے۔واضح رہے کہ ناصرف این 120 ضمنی الیکشن بلکہ الیکشن میں فتح کے بعد بھی مریم نواز کی جانب سے نواز شریف کی نااہلی کے فیصلے پر شدید تنقید کی گئی۔ جبکہ مریم نواز تواتر سے عدلیہ کو ہدف تنقید بنائے ہوئے ہیں۔ خواجہ سعد رفیق کی جانب سے انہیں اسی تناظر میں محتاط رہنے کی تلقین کی گئی ہے۔