لاہور ( این این آئی) قومی احتساب بیورو ( نیب ) لاہور کی پنجاب ہائی وے کرپشن کیس میں پیشرفت،سابق ایل اے سی میاں عبدالرئوف کے دو قریبی ساتھی غلام مصطفی اور محمد نسیم کو اسلام آباد سے گرفتار کر لیا ۔دونوں ملزمان نے سابق ایل اے سی کی ملی بھگت سے زمین خریداری کے لئے مختص 67 ملین کی رقم سے خطیر رقم خرد برد کی، نیب لاہور مرکزی ملزم عبدالرئوف سمیت 6 ملزمان کو حراست میں لے چکا ہے،گرفتار
ملزمان سے لوٹی گئی رقم کی برآمدگی جاری ہے جو حکومت پنجاب کو واپس لوٹائی جا رہی ہے۔نیب لاہور نے دونوں ملزمان کو گرفتاری کے بعد احتساب عدالت کے روبرو پیش کر کے جسمانی ریمانڈ حاصل کر لیا ۔
