اسلام آباد (آن لائن) کالعدم تنظیم بلوچستان لبریشن آرمی نے بھارتی گٹھ جوڑ سے جنیوا میں بلوچستان علیحدگی کے اشتہاری مہم چلا دی ۔ پاکستان نے جنیوا سے شدید احتجاج کرتے ہوئے احتجاجی مراسلہ متعلقہ سفیر کے حوالے کر دیا اور مطالبہ کیا کہ مہم میں ملوث دہشتگردوں کے خلاف فوری کارروائی کی جائے۔جنیوا کی سرزمین کا پاکستان کے خلاف استعمال ہونا باعث تشویش ہے

تفصیلات کے مطابق پیر کے روز اقوام متحدہ جنیوا مین پاکستانی مندوب فرخ عامل نے سویئرز لینڈ کے سفیر کو احتجاج کرتے ہوئے خط لکھا ہے سویئزر لینڈ میں بھارت نے کالعدم تنطیم بلوچستان لبریشن آرمی کے ساتھ مل کر پاکستان کے خلاف گھناؤنی سازش کی ہے اور پاکستان سے بلوچستان کی علیحدگی حوالے سے جنیوا میں اشتہاری مہم شروع کی ہے ۔ بی ایل اے کالعدم تنظیم بلوچستان میں معصوم شہریوں سمیت فورسز کے قتل میں ملوث ہے اور ایسی کالعدم تنظیم کا جنیوا کی سرزمین پر پاکستان مخالف اشتہاری مہم باعث تشویش ہے انہوں نے خط میں کہا کہ پاکستان جنیوا سے فوری طور پر مطالبہ کرتا ہے کہ اشتہاری مہم میں ملوث دہشتگردوں کے خلاف فوری کارروائی کی جائے اور انہیں انصاف کے کٹہرے میں لایا جائے ۔