اسلام آباد (مانیٹرنگ ڈیسک) مسلم لیگ (ن) کے رہنما خواجہ سعد رفیق نے کہا ہے کہ ہمارے کارکنوں کو اغوا کیا گیا ہے۔ تفصیلات کے مطابق مسلم لیگ (ن) کے سینئر رہنما اور ریلوے کے وزیر خواجہ سعد رفیق نے الزام لگاتے ہوئے کہا کہ حلقہ این اے 120 میں بغیر نمبر پلیٹ کی گاڑیوں میں چند افراد آئے اور ہمارے 10 سے 12 اہم کارکنوں کو اٹھا کر لے گئے، جس پر ہمیں بہت زیادہ تشویش ہے۔ وزیر ریلوے خواجہ سعد رفیق نے

ایک نجی ٹی وی چینل سے بات چیت کرتے ہوئے کہا کہ حلقہ این اے 120 میں پولنگ دیر سے شروع ہوئی جس پر ہم نے الیکشن کمیشن سے پولنگ کا وقت بڑھانے کی درخواست کی تھی کیونکہ ووٹ پول کرنے کے لیے لوگوں کی ایک بڑی تعداد باہر موجود تھی مگر اس کے باوجود پولنگ کا وقت نہیں بڑھایا گیا۔ خواجہ سعد رفیق کہا انتخابی مہم کے بارے میں کہنا ھتا کہ مسلم لیگ (ن) نے حلقہ این اے 120 میں بہترین انتخابی مہم چلائی۔