اسلام آباد (مانیٹرنگ ڈیسک) پاکستان کے وزیراعظم شاہد خاقان عباسی نے کہا ہے کہ عمران خان کو گرفتار کریں گے، تفصیلات کے مطابق وزیراعظم شاہد خاقان عباسی نے کہا کہ اگر الیکشن کمیشن کی عمران خان کی گرفتاری کی ہدایت ہے تو انہیں گرفتار کریں گے۔ وزیراعظم شاہد خاقان عباسی نے ایک نجی ٹی وی سے گفتگو کرتے ہوئے کہا کہ الیکشن کمیشن کی ہدایت ہے تو پھر تحریک انصاف
کے چیئرمین عمران خان کو گرفتار کریں گے اور اگر نیب کا حکم سابق وزیراعظم میاں محمد نواز شریف کے بارے آیا تو بھی اس پر عمل کریں گے۔ یہاں یہ وضاحت ضروری ہے کہ عمران خان کو الیکشن کمیشن نے توہین عدالت کیس میں ذاتی طور پر پیش ہونے کا حکم دیا مگر وہ پیش نہیں ہوئے جس پر الیکشن کمیشن نے عمران خان کے قابل ضمانت وارنٹ گرفتاری جاری کر دیے ہیں۔
