اسلام آباد (مانیٹرنگ ڈیسک) حلقہ این اے 120 میں پاکستان تحریک انصاف کی امیدوار یاسمین راشد کا کہناہے کہ وہ ضمنی انتخابات کے انتظامات سے خوش ہیں، تحریک انصاف کی امیدوار یاسمین راشد نے کوپر روڈ پولنگ اسٹیشن کا دورہ کرکے اندر کے انتظامات کا جائزہ لیا، اس موقع پر یاسمین راشد نے میڈیا سے بات چیت کرتے ہوئے کہا کہ پولیس اہلکار عوام کو سہولیات مہیا کریں اور رکاوٹیں نہ ڈالیں کیوں کہ پولیس جتنی حکومت کی

ہے اتنی ہی ہماری بھی ہے۔ یاسمین راشد نے کہا کہ انتخابات کے حوالے سے میں بہت ہی پُرامید ہوں اور انتخابی مہم کے دوران گھر گھر جا کر اور حلقے کی گلی گلی میں ووٹ کی اہمیت کے لیے مہم کی تھی۔ یاد رہے کہ حلقہ این اے 120 کے ضمنی انتخاب میں مسلم لیگ (ن) کی امیدوار کلثوم نواز اور پاکستان تحریک انصاف کی امید وار یاسمین راشد کے درمیان کانٹے دار مقابلے کی توقع کی جا رہی ہے، اب دیکھئے نتیجہ کیا آتا ہے۔