اسلام آباد (مانیٹرنگ ڈیسک) سینئر صحافی و تجزیہ کار ڈاکٹر شاہد مسعود نے ایک نجی ٹی وی چینل کے پروگرام میں گفتگو کرتے ہوئے کہا کہ مریم نواز کا ماننا ہے کہ میرے بھائی بیرون ملک ہوں گے، ابو جیل میں جائیں اور میں وزیراعظم ہوں گی، ڈاکٹر شاہد مسعود نے کہا کہ مریم نواز پہلے بھی اپنے آپ کو وزیراعظم ہی سمجھتی ہیں اور آگے بھی وہ وزیراعظم بننے کی سوچ رکھتی ہیں۔ انہوں نے کہا کہ حمزہ شہباز سے حلقہ این اے 120 کی انتخابی مہم پر باقاعدہ تلخ کلامی ہوئی ہے،
انہوں نے کہا کہ حمزہ شہباز پر اتنا اعتماد بھی نہیں کیا جا رہا ہے کہ انہیں قومی اسمبلی کی اس نشست کی انتخابی مہم کا انچارج بنایا جائے۔ اس وقت صورتحال یہ ہے کہ شریف خاندان میں شدید اختلاف ہے، ڈاکٹر شاہد مسعود نے کہا کہ ان کے آپس کے اختلاف کا آپ یہاں سے اندازہ لگا سکتے ہیں کہ اگر مریم نواز کے ریوالور میں ایک گولی ہو اور ان سے پوچھا جائے کہ عمران خان یا حمزہ شہباز تو وہ حمزہ شہباز کا نام لیں گی، آپ اس سے اختلافات کی سنگینی کا اندازہ لگا سکتے ہیں۔
