اسلام آباد(مانیٹرنگ ڈیسک)لندن میں موجود نواز شریف اور شہباز شریف کے درمیان جھگڑا ہو نے کا انکشاف ۔نجی ٹی وی چینل کے پروگرام میں گفتگو کرتے ہوئے معروف صحافی اور سینئر اینکر ڈاکٹر شاہد مسعود کی جانب سے بتایا گیا ہے کہ نواز شریف اور شہباز شریف کے درمیان لندن میں جھگڑا ہوا ہے۔جھگڑا کافی شدید نوعیت کا تھا۔ اس دوران دونوں بھائیوں کی جانب سے ایک دوسرے کیخلاف شکایات کے انبار لگا دیے گئے۔ بعد ازاں اس جھگڑے میں خاندان کے دیگر افراد بھی شامل ہوگئے
اور پھر ایک دوسرے سے دل کھول کر گلے شکوے کیے گئے۔ شاہد مسعود کا کہنا ہے کہ شریف خاندان میں دراڑیں ہر گزرتے دن کیساتھ شدت اختیار کرتی جا رہی ہیں۔علاوہ ازیں شاہد مسعود کی جانب سے ایک تہلکہ خیز انکشاف بھی کیا گیا ہے کہ نواز شریف اپنی نااہلی سے قبل ملک کی ایک بہت بڑی آئینی شخصیت کو ان کے عہدے سے برطرف کرنے والے تھے۔ ایسا کرنے کی صورت میں ان کی حکومت برطرف کر دی جاتی۔واضح رہے کہ نوازشریف اپنی اہلیہ کلثوم نواز کیلئے لندن میں موجود ہیں جبکہ شہبازشریف آج صبح ہی لندن سے وطن واپس پہنچ گئے،شہباز شریف لندن میں بیگم کلثوم نواز کی عیادت کیلئے گئے تھے۔ تفصیلات کے مطابق وزیراعلی پنجاب میاں شہباز شریف لندن سے لاہور پہنچ گئے ہیں وہ لندن میں بیگم کلثوم نواز کی عیادت کے گئے تھے اور قومی ایئرلائن کی پرواز پی کے 758 کے ذریعے لندن سے لاہور علامہ اقبال انٹرنیشنل ائیرپورٹ پر پہنچے۔شہباز شریف نے لندن میں صحت کےماہرین اور انویسٹرز سے بھی ملاقات کی اور انہیں لاہور میں صحت کے شعبے میں سرمایہ کاری کی دعوت دی ہے۔۔شاہد مسعود نے پروگرام میں مزید کیا باتیں کی آ پ بھی ملاحظہ کریں
