اسلام آباد ( آئی این پی ) پاکستان مسلم لیگ (ن) کے رہنما شاہنواز رانجھا اور پی ٹی آئی کے ترجمان فواد چوہدری کے درمیان نجی ٹی وی پروگرام میں تلخ جملوں کا تبادلہ ایک دوسرے پر الزامات کی بوچھاڑ کردیں۔ منگل کے روز نجی ٹی وی پروگرام میں مسلم لیگ (ن) کے رہنما شاہنواز رانجھا اور فواد چوہدری کے درمیان سخت جملوں کا تبادلہ ہوا ۔ شاہنواز رانجھا نے کہا کہ عمران خان ایک جھوٹ چھپانے کے لئے 100 جھوٹ بول رہے ہیں ۔ عمران خان پر 9 کروڑ روپے کرپشن کا الزام ہے ۔شاہنواز

رانجھا نے کہا کہ عمران خان نے فلیٹ بیچنے کے معاملے پر ہر روز نیا جھوٹ بولا ۔ شاہنواز رانجھا کی جانب سے فواد چوہدری کو مہذب زبان استعمال کرنے کے مشورے پر فواد چوہدری آپے سے باہر ہو گئے ۔ اس موقع پر دونوں رہنماؤں کے مابین شدید تلخ کلامی ہوئی ۔ نجی ٹی وی پروگرام کے دوران دونوں پارٹی رہنماؤں نے ایک دوسرے پر ذاتی الزامات لگاتے ہوئے سخت جملوں کا تبادلہ کیا، تحریک انصاف کے ترجمان عمران خان کے خلاف تنقید برداشت نہ کر سکنے پر پروگرام چھوڑ کر چلے گئے۔