اسلام آباد (مانیٹرنگ ڈیسک) سینئر صحافی و تجزیہ کار غلام حسین نے ایک نجی ٹی وی پروگرام میں گفتگو کرتے ہوئے انکشاف کیا کہ پنجاب کے اہم سکیورٹی ادارے نے سکیورٹی الرٹ جاری کرتے ہوئے کہا کہ کچھ خود کش بمبار پنجاب میں داخل ہوئے ہیں جو سابق وزیراعظم میاں محمد نواز شریف کی صاحبزادی مریم نواز کو ٹارگٹ کر سکتے ہیں، انہوں نے مزید کہا کہ وزیراعلیٰ پنجاب شہباز
شریف کو کچھ روز قبل حملہ آور ٹارگٹ کرنے آئے تھے مگر ان میں سے ایک کو مار دیا گیا ہے اور دوسرا گرفتار کر لیا گیا ہے، انہوں نے کہا کہ اب شریف خاندان میں مریم نواز پر سکیورٹی کے حوالے سے شدید دباؤ ہے اس لیے مریم نواز کو احتیاط کرنی چاہیے اس کے علاوہ گورنمنٹ کو بھی چاہیے کہ وہ سابق وزیراعظم میاں محمد نواز شریف کی صاحبزادی مریم نواز کو سکیورٹی فراہم کرے۔
