راولپنڈی (آن لائن) چیف آف آرمی سٹاف جنرل قمر جاوید باجوہ نے یوم دفاع پر بھرپور کوریج دینے پر میڈیا کا شکریہ ادا کرتے ہوئے کہا ہے کہ قوم کی تعمیر و ترقی میں میڈیا اپنا کردار ایمانداری اور ذمہ داری کے ساتھ نبھائے ۔ پاک فوج کے شعبہ تعلقات عامہ ( آئی ایس پی آر ) کی جانب سے جمعرات کو جاری بیان کے مطابق آرمی چیف نے بدھ کے روز یوم دفاع کے موقع پر

جی ایچ کیو میں منعقد کئے گئے پروقار تقریب کی بھرپور کوریج پر میڈیا کا شکریہ ادا کیا اور کہا کہ قوم کی تعمیر و ترقی و میڈیا کا کلیدی کردار ہے ۔ آرمی چیف نے کہا کہ میڈیا کا ریاستی پالیسیوں کی سپورٹ اور قومی تشخص اجاگر کرنے میں اہم کردار ہے اور وقت کا تقاضا ہے کہ میڈیا اپنا یہ تعمیری کردار ایمانداری اور ذمہ داری کے ساتھ انجام دے تاکہ قومی تعمیر ممکن ہو ۔

موضوعات:آرمی چیف