راولپنڈی (این این آئی)پاک فوج کے سربراہ جنرل قمر جاوید باجوہ نے پاک فوج کو ہدایت کی ہے کہ سندھ میں متاثرہ علاقوں میں پانی کے اخراج اور متاثرہ لوگوں کی مدد کیلئے ہر ممکن تعاون فراہم کیا جائے ۔آئی ایس پی آر کے مطابق سندھ حکومت نے شدید بارشوں سے متاثر ہون والے علاقوں میں حالات معمول پر لانے کیلئے پاک فوج سے تعاون طلب کیا ہے ۔
جس پر پاک فوج کی جانب سے پانی کے اخراج کے لئے استعمال ہونے والے پمپس سندھ حکومت کو فراہم کیے گئے ہیں ٗآرمی چیف جنرل قمر جاوید باجوہ نے اس حوالے سے پاک فوج کو ہدایت دی کہ وہ متاثرہ علاقوں میں پانی کے اخراج اور متاثرہ لوگوں کی مدد کے لئے ہر ممکن تعاون فراہم کیا جائے۔
