اسلام آباد (مانیٹرنگ ڈیسک)تحریک انصاف کے چیئرمین عمران خان کا عائشہ گلالئی کو پارٹی سے نکالنے کا فیصلہ ،الیکشن کمیشن اور سپیکر قومی اسمبلی سے کارروائی کی درخواست کر دی، نجی ٹی وی اے آر وائی نیوز کے مطابق چیئرمین تحریک انصاف نے منحرف رکن قومی اسمبلی عائشہ گلالئی کو بھی آخری نوٹس بھجوا دیا ہے ،جس میں کہا گیا ہے کہ عائشہ گلالئی کیخلاف

آرٹیکل 63 اے کے تحت کارروائی عمل میں لائی گئی ، منحرف رکن قومی اسمبلی کیخلاف کارروائی کا فیصلہ پارٹی قیادت کی مشاورت سے کیاگیا ہے اورفیصلے میں بطور پارٹی چیئرمین اختیارات کا استعمال کیا، چیئرمین تحریک انصاف کا کہنا تھا کہ عائشہ گلالئی معطلی کے بعد شوکاز نوٹس کا جواب دینے میں ناکام رہیں ،نوٹس کی کاپی سپیکر قومی اسمبلی اور الیکشن کمیشن کو بھجوا دی گئی ۔

موضوعات:عمران خان