اسلام آباد (مانیٹرنگ ڈیسک)شریف فیملی کے گر گھیرا مزید تنگ، نیب نے نواز شریف کے نواسے جنید صفدر کے بینک اکاؤنٹس کی تفصیلات طلب کرلی۔ نیب کو شریف خاندان کے خلاف ریفرنسز کیلئے سٹیٹ بینک اور ایف بی آر سے ریکارڈ بھی مل گیا۔نجی ٹی وی کے مطابق شریف خاندان کے خلاف ریفرنسز کے سلسلے میں سٹیٹ بینک اور ایف بی آر نے ریکارڈ جمع کرادیا ہے جبکہ ایس ای سی پی کا ریکارڈ

پہلے ہی وصول ہوچکا ہے۔ ریکارڈ کے مطابق نواز شریف کے صاحبزادوں حسن اور حسین نواز کے اکاؤنٹس میں کروڑوں روپے ٹرانسفر کیے گئے ہیں۔ نیا ریکارڈ ملنے کے بعد نیب نے تحقیقات کا دائرہ بڑھانے کا فیصلہ کیاہے اور مریم نواز کے صاحبزادے جنید صفدر کے اکاؤنٹ کی تفصیلات بھی طلب کرلی ہیں۔واضح رہے کہ نوازشریف نے نظرثانی کی درخواستوں پر فیصلے تک نیب کے سامنے پیش ہونے سے انکار کردیا ہے۔