اسلام آباد (این این آئی) سابق وزیراعظم نوازشریف کی اہلیہ کلثوم نواز کو بلڈ کینسر ہے جس کی تصدیق لندن میں ڈاکٹرز نے کردی ہے۔ذرائع کے مطابق ڈاکٹر نے کلثوم نواز کو مزید علاج کے لئے کینسراسپیشلسٹ کے پاس ریفرکردیاگیا ہے ٗکیمو تھراپی سمیت دیگر ٹریٹمنٹ اگلے ہفتے شروع ہوگی ۔اس سے قبل بیگم کلثوم نواز کے گلے میں کینسر کی اطلاع آئی تھی تاہم طبی ذرائع سے معلوم ہوا ہے کہ وہ بلد کینسر میں مبتلا ہیں جو کہ ابتدائی اسٹیج پر ہے
نواز شریف کی صاحبزادی مریم نواز نے سماجی رابطے کی ویب سائٹ ٹوئٹر پر ٹوئٹ کیا کہ میری والدہ کا کینسر تشخیص ہونے کے بعد علاج شروع کردیاگیا ہے اور ڈاکٹرز کا کہنا ہے کہ کینسر ابتدائی سٹیج پر ہے اور قابل علاج ہے۔ انہوں نے کہا کہ والدہ کے لئے دعاؤں پرآپ سب کاشکریہ اداکرتی ہوں۔واضح رہے کہ بیگم کلثوم نواز طبی معائنے کے لئے چند روز قبل لند ن گئی تھیں جہاں ان کے ٹیسٹ لئے گئے تو ان کو گلے کے کینسرکی تشخیص ہوئی ۔
