اسلام آباد (مانیٹرنگ ڈیسک) نواز شریف کے نا اہل ہونے کے بعد خالی ہونے والی سیٹ این اے 120 پر ضمنی انتخاب کے لیے پولنگ 17 ستمبر کو ہو گی۔ الیکشن کمیشن کے ذرائع کے مطابق این اے 120 کا ضمنی انتخاب فوج کی زیر نگرانی کروانے کا فیصلہ کیا گیا ہے ۔

اس ضمن میں الیکشن کمیشن کی جانب سے وزارت دفاع کو خط لکھا جائے گا۔ الیکشن کمیشن کے مطابق این اے 120 کے ضمنی انتخاب میں پولیس اور رینجرز کی خدمات بھی حاصل کی جائیں گی۔واضح رہے کہ این اے 120پر اصل ٹاکرامسلم لیگ(ن) کی امیدوار کلثوم نوازاورتحریک انصاف کی امیدواریاسمین راشد کے درمیان پڑے گا۔

موضوعات:این اے 120 ضمنی الیکشن