اسلام آباد (آن لائن) سابق وزیراعظم میاں نواز شریف نے اپنی اہلیہ کلثوم نواز کی الیکشن مہم کے حوالے سے حتمی منصوبہ بندی کر لی ہے۔ محترمہ کلثوم نواز شریف حلقہ این اے 120کی الیکشن مہم میں ذاتی طور پر شریک نہیں ہو سکیں گی۔ کلثوم نواز شریف کی وطن واپسی کی ٹکٹ 24ستمبرکے لئے کنفرم ہے جبکہ حلقہ این اے120میں ضمنی الیکشن 17ستمبر کو ہوگا۔ ذرائع کے مطابق گزشتہ روز سابق وزیراعظم میاں نواز شریف نے

ماڈل ٹاؤن میں حلقہ این اے 120کی انتخابی مہم کے لئے بلدیاتی نمائندوں کو خصوصی ٹاسک سونپ دیا ہے۔ انتخابی مہم کے انچارج پرویز ملک ہونگے جبکہ دیگر بلدیاتی نمائندے محترمہ کلثوم نواز شریف کے لئے گھر گھر جا کر مہم چلائیں گے۔ ذرائع کے مطابق وطن واپسی کے حوالے سے میاں نواز شریف کی ٹکٹ اوپن ہے اور وہ24اگست کو بیرون ملک روانہ ہو جائیں گے انکے بعد عید الاضحیٰ سے پہلے محترمہ مریم نواز اور کیپٹن صفدر بھی لندن روانگی کی تیاریوں میں مصروف ہیں۔