اسلام آباد (مانیٹرنگ ڈیسک) الیکشن کمیشن آف پاکستان نے چیئرمین پی ٹی آئی عمران خان کی نا اہلی کی درخواست خارج کردی ۔نجی ٹی وی کے مطابق عمران خان کی نا اہلی کیلئے درخواست ہاشم بھٹہ کی جانب سے دائر کی گئی تھی۔ درخواست میں ممنوعہ ذرائع سے فنڈز لینے کا الزام عائد کیا گیا ۔چیف الیکشن کمشنر سردار رضا خان کی سربراہی
میں آج الیکشن کمیشن کے پانچ رکنی بینچ نے درخواست کی سماعت کی۔ دوران سماعت درخواست گزار ہاشم بھٹہ الیکشن کمیشن کے روبرو پیش نہ ہوئے ۔ الیکشن کمیشن نے عدم پیروی پر عمران خان نا اہلی کی درخواست خارج کردی۔فیصلہ سنتے ہی تحریک انصاف کے کارکن خوشی کے مارے سڑکوں پر نکل آئے اور عمران خان کے حق میں نعرے لگائے۔
