اسلام آباد(آئی این پی )سابق وفاقی وزیر داخلہ و پاکستان مسلم لیگ (ن) کے سینئر رہنما چوہدری نثار علی خان نے اتوار کو پریس کانفرنس میں پاکستان مسلم لیگ (ن) کی قیادت اور پارٹی کے حوالے سے اختلافات رائے کے بارے میں بات کرنے سے گریز کیا ،سیاسی حلقوں اور میڈیا میں چوہدری نثار علی خان کی سیاسی معاملات پر دھواں دھار پریس کانفرنس کی توقع کی جا رہی تھی ،
اس حوالے سے میڈیا خبریں بھی دے رہا تھا تاہم چوہدری نثار علی خان نے پارٹی اور سیاسی معاملات پر بات کرنے سے گریز کیا ، اس حوالے سے ان سے متعدد سوالات بھی ہوئے اور یہ کہہ کر یہ معاملہ ٹال دیا کہ وہ سیاسی معاملات پر کھل کر بات نہیں کرسکتے ، کابینہ اور پارٹی کی سطح پر بات کر چکا ہوں اب اگر انہیں ظاہر کروں گا تو پارٹی اور قیادت دونوں کو اس مشکل وقت میں نقصان پہنچ سکتا ہے۔
