اسلام آباد(مانیٹرنگ ڈیسک)طارق فاطمی کو سرمایہ کاری بورڈ کا نیا چیئرمین بنانے کا فیصلہ کیا گیا ہے جبکہ سرمایہ کاری بورڈ کے سابق چیئرمین مفتاح اسماعیل کو مشیر کے عہدہ پر براجمان کر دیا گیا ہے، ذرائع نے بتایا کہ وزیراعظم شاہد خاقان عباسی نے مریم نواز کے حکم پر ڈان لیکس پر وزارت خارجہ سے نکالے گئے طارق فاطمی
کو مذکورہ محکمہ کا چیئرمین نامزد کرنے کا فیصلہ کیا ہے،واضح رہے کہ طارق فاطمی چار سال تک سابق وزیراعظم میاں محمد نواز شریف کے خارجہ امور پر مشیر تھے اورڈان لیکس کی رپورٹ کی روشنی میں انہیں وزیراعظم ہاوس سے نکلنا پڑا،مفتاح اسماعیل بھی سابق وزیراعظم میاں محمد نوازشریف کے قریبی ساتھیوں میں سے ہیں، وہ سوئی سدرن گیس پائپ لائن کمپنی کے بورڈ آف ڈائریکٹرز کے رکن بھی ہیں اور ایل این جی بارے مفید مشورے دیتے رہتے ہیں، مریم نواز اور طارق فاطمی کے مابین متعدد معاملات پر ایک جیسے خیالات ہیں۔
