اسلام آباد(مانیٹرنگ ڈیسک)آرمی چیف جنرل قمر جاوید باجوہ ڈاکٹر رتھ فاؤ کی تدفین کی تقریب میں شرکت کیلئے کراچی پہنچ گئے۔نجی ٹی وی کے مطابق پاکستان کی مدر ٹریسا ڈاکٹر رتھ فاؤ کی سینٹ پیٹرک چر چ میں آخری رسومات ادا کر دی گئی ہیں اوران کا جسد خاکی تدفین کیلئے گورا قبرستان پہنچا دیا گیا۔آئی ایس پی آر کے مطابق آرمی چیف

جنرل قمر جاوید باجوہ ، ڈاکٹر رتھ فاؤ کی تدفین کی تقریب میں شرکت کرینگے۔یاد رہے کہ آرمی چیف نے ڈاکٹر رتھ فاؤ کو انسانیت کی سفیر قرار دیا تھا اور ان کے انتقال پر خراج عقیدت پیش کرتے ہوئے کہا تھا کہ انسانیت کسی بھی مذہب سے بالاتر ہوتی ہے اورڈاکٹر رتھ فاؤ نے پاکستان کے عوام کیلئے مفاد سے بالاتر ہو کر خدمات انجام دیں۔واضح رہے کہ ڈاکٹر رتھ فائو 10اگست کو کراچی میں طویل علالت کے بعد انتقال کر گئی تھیں۔