اسلام آباد (مانیٹرنگ ڈیسک) نیب کے نوٹس، شریف خاندان کا سرپرائز، حیرت انگیز فیصلہ سامنے آ گیا، تفصیلات کے مطابق نجی ٹی وی چینل نے اپنے ذرائع کے حوالے سے دعوی کیا ہے کہ سابق وزیر اعظم نواز شریف اور ان کے بیٹوں حسن اور حسین نے سپریم کورٹ کے فیصلے کے خلاف دائر نظرثانی اپیلوں کا فیصلہ آنے تک نیب میں پیش نہ ہونے کا فیصلہ کیا ہے، انہوں نے یہ فیصلہ سینئر وکلاء سے مشورے کے بعد کیا ہے۔ سابق وزیراعظم نواز شریف اور ان کے بچوں نے اپنے اس فیصلے سے نیب کو تحریری طور پر آگاہ بھی کر

دیا ہے، انہوں نے اپنا موقف تحریری صورت میں اپنے وکلاء کے ذریعے نیب کو بھجوا دیا ہے۔ ٹی وی ذرائع نے یہ بھی دعویٰ کیا ہے کہ سابق وزیراعظم نواز اور ان کے بیٹوں کے خلاف لندن پراپرٹیز کے حوالے سے نیب لاہور ریفرنسز تیار کر رہا ہے اور اسحاق ڈار کے خلاف بھی نیب نے ریفرنس تیار کرنا شروع کردیا ہے، آج نیب لاہور نے سابق وزیراعظم نواز شریف اور ان کے صاحبزادوں حسن اور حسین نواز کو طلب کیا تھا مگر وہ پیش نہ ہوئے، حسن اور حسین نواز لندن تھے اور نواز شریف اپنے وکلاء کے مشورے سے نیب پیش نہیں ہوئے۔