اسلام آباد (مانیٹرنگ ڈیسک) بغاوت ہو گئی، ن لیگ کے 30 اہم ارکان اسمبلی باغی، معروف صحافی حامد میر نے تصدیق کر دی، تفصیلات کے مطابق سینئر صحافی حامد میر کا کہنا ہے کہ مسلم لیگ (ن) کی پارٹی قیادت کے فیصلوں سے اختلافات کے باعث ان کے 25 سے 30 ارکان اسمبلی کے خفیہ اجلاس ہوا ہے۔ سینئر صحافی و اینکر پرسن حامد میر نے مزید کہا کہ مسلم لیگ (ن) کے ان رہنماؤں کو پارٹی قیادت کے فیصلوں سے سخت اختلاف ہے۔ ان رہنماؤں نے
بیگم کلثوم نواز کو این اے 120 کا ضمنی انتخاب لڑوانے، پارٹی کے قائم مقام صدر کی نامزدگی اور وزیراعلیٰ پنجاب میاں شہباز شریف کو نیا وزیراعظم نہ بنانے کے فیصلوں پر اپنے تحفظات ظاہر کیے ہیں۔ سینئر صحافی حامد میر نے دعویٰ کیا ہے کہ آنے والے دنوں میں یہ رہنما بغاوت کرنے والے ہیں۔ مسلم لیگ (ن) کے ان رہنماؤں میں کئی بڑے نام بھی شامل ہیں۔ واضح رہے کہ پارٹی قیادت کی طرف سے کیے جانے والے ان فیصلوں پر انہیں اعتراض ہے۔
