اسلام آباد (مانیٹرنگ ڈیسک) نواز شریف نیب میں پیش ہوں گے۔ تفصیلات کے مطابق مسلم لیگ (ن) کے ترجمان آصف کرمانی نے کہا ہے کہ نیب نے پوچھ گچھ کے لئے نواز شریف، حسن اور حسین نواز کو طلب کر رکھا ہے۔ انہوں نے کہا کہ نواز شریف ریفرنس سے بھاگنے والے نہیں اور نیب میں پیش ہوں گے۔ دریں اثناء شریف فیملی کے ذرائع نے بتایا ہے کہ حسین اور حسن نواز کو نیب کی جانب سے پیشی کا کوئی نوٹس موصول نہیں ہوا۔

میڈیا رپورٹ کے مطابق نیب نے پاناما کیس میں سپریم کورٹ کے فیصلے کی روشنی میں شریف خاندان کے خلاف ریفرنسز قائم کرنے کیلئے 2 ٹیمیں تشکیل دے دی ہیں۔گزشتہ روز خبر سامنے آئی تھی کہ نیب نے شریف خاندان کے تین افراد کو 18 اگست کو طلب بھی کرلیا ہے۔ نیب کی جانب سے جن 3 افراد کو طلب کرنے کی خبر سامنے آئی ان میں حسن نواز،حسین نواز اور طارق شفیع شامل ہیں  ٗشریف خاندان کے ذرائع کا کہنا ہے کہ حسن اور حسین نواز کو نیب میں پیشی کے لیے کوئی نوٹس موصول نہیں ہوا۔