اسلام آباد (این این آئی)وزیراعظم شاہد خاقان عباسی نے کہا ہے کہ پاکستان امریکہ کو اہم شراکت دار ملک سمجھتاہے ٗپاکستان امریکہ کے ساتھ موجودہ تعلقات کو مزید مضبوط بنانے کا خواہاں ہے ۔وہ پاکستان میں امریکہ کے سفیرڈیوڈ ہیل سے جمعرات کویہاں وزیراعظم آفس میں ملاقات کے دوران بات چیت کررہے تھے ۔ملاقات میں پاکستان اورامریکہ کے درمیان دوطرفہ امورپر بات چیت کی گئی۔
وزیراعظم شاہد خاقان عباسی نے کہاکہ پاکستان امریکہ کو اہم شراکت دار ملک سمجھتاہے اورپاکستان امریکہ کے ساتھ موجودہ تعلقات کو مزید مضبوط بنانے کا خواہاں ہے۔امریکی سفیر نے وزارت عظمیٰ کا منصب سنبھالنے پر وزیراعظم شاہد خاقان عباسی کو مبارکباد دی۔انہوں نے پاکستان کے ساتھ دوطرفہ تعاون کو فروغ دینے کی خواہش کا اظہاربھی کیا۔
