اسلام آباد (مانیٹرنگ ڈیسک) آصف علی زرداری نے نواز شریف سے ’’بدلہ‘‘ لینے کا فیصلہ کر لیا، تفصیلات کے مطابق سینئر صحافی حامد میر نے ایک نجی ٹی وی چینل سے گفتگو کرتے ہوئے کہا کہ نوازشریف کی نااہلی کے دور کے بعد اب آصف علی زرداری خاموش ہیں

لیکن اس کا تعلق نوازشریف کے ساتھ ہرگز نہیں ہے، آصف زرداری نے بتایا کہ بلاول جو بھی بول رہاہے وہ میرے جذبات کی ترجمانی کر رہا ہے۔ حامد نے مزید کہا کہ مسلم لیگ (ن) یا نوازشریف کی طرف سے کچھ میڈیا کے لوگوں نے سابق صدر آصف علی زرداری سے رابطہ کیا اور کہا کہ اب وقت آ گیا ہے کہ مسلم لیگ (ن) کے ساتھ مل کر ایسا کام کیا جائے کہ کسی سیاستدان کو آئندہ سپریم کورٹ نااہل قرار نہ دے سکے، اس کے جواب میں آصف علی زرداری نے کہا کہ آپ اس وقت بھول گئے تھے جب نوازشریف کی پارٹی یوسف رضا گیلانی کے خلاف درخواست گزار بن کر گئی تھی۔ سینئر صحافی حامد میر نے کہا کہ وکلاء برادری سے تعلق رکھنے والی ایک اعلیٰ شخصیت نے آصف علی زرداری سے رابطہ کیا تو سابق صدر آصف علی زرداری نے جواب دیا کہ جب ہمارا وزیراعظم نااہل ہوا تو آپ لوگ خاموش تھے، اس وقت آپ نہیں بولے، آج جب آپ کے لاہور کا وزیراعظم نااہل ہواہے توآپ پریس کانفرنس کر رہے ہیں۔ حامد میر نے مزید کہا کہ مسلم لیگ (ن) کو آصف علی زرداری نے کوئی مثبت پیغام نہیں دیا۔