لاہور(نیوزڈیسک)این اے120میں کلثوم نواز کو امیدوار کیوں بنایا؟حمزہ شہباز کھل کرسامنے آگئے، تفصیلات کے مطابق نجی ٹی وی چینل 92 نیوز نے دعویٰ کیا ہے کہ این اے 120سے بیگم کلثوم نوازکو امیدواربنائے جانے پر وزیراعلیٰ پنجاب شہبازشریف کے صاحبزادے حمزہ شہباز شدید ناراض ہیں جس کاردعمل انہوں نے نوازشریف کی لاہور آمد پربھی دیا ، رپورٹ میں دعویٰ کیاگیا ہے کہ حمزہ شہباز نے کلثوم نواز کو این اے 120پر امیدوار بنائے جانے پر

شدید تحفظات کا اظہار کیا ہے ،انہیں اس بات پر غصہ ہے کہ انہیں وزیراعظم کا امیدوار کیوں نہیں بنایاگیا؟ ان کا استدلال ہے کہ پہلے ہی خاندان میں یہ طے کرلیاگیا تھا کہ وزیراعظم کے امیدوار اب حمزہ شہباز ہونگے تو پھر یہ فیصلہ کیوں تبدیل کیاگیا؟ جس کے بعد واضح طورپر شریف خاندان میں اختلافات کھل کرسامنے آگئے ہیں،جب کلثوم نواز کے کاغذات جمع کروائے گئے تو اس وقت بھی حمزہ شہبازسمیت ان کے قریبی ساتھی غائب رہے ۔