اسلام آباد (مانیٹرنگ ڈیسک) آئین میں ترمیم، پیپلز پارٹی نے نواز شریف کو جواب دیدیا، تفصیلات کے مطابق چیئرمین سینٹ میاں رضا ربانی نے صحافیوں سے بات چیت کرتے ہوئے کہا کہ میں واضح کرتا چلوں کہ سابق وزیراعظم میاں نواز شریف جس گرینڈ ڈائیلاگ کی بات کر رہے ہیں وہ مختلف ہے اور جو بات میں نے پہلے کوئٹہ میں کی اور پھر جس کی سینٹ سے منظوری لی، وہ مختلف
ہے۔ چیئرمین سینٹ میاں رضا ربانی نے کہا کہ میاں نواز شریف کے گرینڈ ڈائیلاگ کے کیا نکات ہیں وہ میاں نواز شریف ہی جانتے ہوں گے، لیکن ہم نے جس ڈائیلاگ کی بات کی ہے وہ آئینی فریم ورک کے اندر رہتے ہوئے ڈائیلاگ ہے، اس ڈائیلاگ میں کسی ترمیم کا ذکر نہیں ہے بلکہ موجودہ آئین میں جو اختیارات ہیں، ہر ادارے کو ان کے اندر رہتے ہوئے کام کرنے کی بات کی گئی ہے۔
