راولپنڈی(مانیٹرنگ ڈیسک)خفیہ اطلاع پر پاک فوج کے آپریشن کے دوران میجر سمیت تین سپاہی شہید، دو دہشتگرد ہلاک، ایک گرفتار۔آئی ایس پی آر کے مطابق اپر دیر تیمر گرہ کے علاقے شیروٹ کئی میں پاک فوج نے دہشتگردوں کی موجودگی پر انٹیلی جنس اطلاع پرآپریشن کیا جس میں میجرعلی سلمان، حوالدارغلام نذیر، حوالدار اختر، سپاہی عبدالکریم شہید ہوگئےہیں۔
میجر علی سلمان کی قیادت میں جب پاک فوج کے جوان علاقے کو گھیرے میں لے کر دہشت گردوں کے قریب پہنچے تو دہشتگردوں نے انہیں دیکھتے ہی فائرنگ کر دی جس کے نتیجے میں شہادتیں ہوئیں، آپریشن کے دوران ایک بمبار نے دھماکے سے خود کواڑا لیا جبکہ ایک دہشتگرد فائرنگ کے تبادلے میں ہلاک ہو گیا ، پاک فوج نے تیسرے دہشتگردوں کو گرفتار کر لیا ہے۔
