اسلام آباد (مانیٹرنگ ڈیسک) عائشہ گلالئی کے قومی اسمبلی میں خطاب کے دوران علی محمد خان تحریک انصاف کے دیگر ممبران سے الگ، کیا کرتے رہے؟ تفصیلات کے مطابق پاکستان تحریک انصاف کی باغی رکن عائشہ گلالئی نے گزشتہ روز قومی اسمبلی سے خطاب کیا، جب عائشہ گلالئی خطاب کر رہی تھیں اس وقت تحریک انصاف کے اراکین نے ڈیسک بجائے اور کھڑے ہو کر احتجاج ریکارڈ کرایا، دوسری طرف
تحریک انصاف کے علی محمد خان جو کہ عائشہ گلالئی کے بالکل قریب تھے وہ علامتی طور پر کھڑے تو ہوئے مگر انہوں نے ڈیسک بجانے کی زحمت نہیں کی، تحریک انصاف کے چیئرمین عمران خان کی سابق اہلیہ ریحام خان نے سماجی رابطے کی ویب سائٹ ٹویٹر پر عائشہ گلالئی کی بہادری پر اسے داد دی اور علی محمد خان کے بارے میں کہا کہ انہوں نے ہمیشہ کی طرح مرد ہونے کا ثبوت دیا ہے جو قابل تحسین ہے۔
