اسلام آباد (آن لائن) پاکستان تحریک انصاف کے ترجمان فواد چوہدری نے کہا ہے کہ عائشہ احد کی تحریک انصاف شروع سے ہی مدد کررہی ہے‘ نواز شریف نااہلی کے بعد اچانک ان کے کیسز نیب کو جانے کے بعد سامنے آگئی‘ موجودہ صورتہال میں جیسی کو تیسی کی سیاست ہوگی‘ ہمیں ایک تھپڑ ماریں گے تو ہم جواب میں دو ماریں گے۔ ترجمان تحریک انصاف فواد چوہدری نے نجی ٹی وی سے گفتگو کرتے ہوئے کہا کہ میاں نواز شریف کی نااہلی کے فوری بعد ن لیگ عائشہ گلا لئی کو سامنے لے آئی‘
جواب میں ہم عائشہ احد کو سامنے لائے‘ عائشہ احمد کی ہم شروع سے ہی مدد کررہے تھے۔ انہوں نے کہا کہ شیخ رشید کو اسمبلی میں تین سال میں ایک تقریر کرنے کا موقع نہیں دیا گیا‘ عائشہ گلا لئی کو لمبی تقریر کرنے دی گئی۔ عائشہ گلالئی تحریک انصاف کے پلیٹ فارم سے رکن قومی اسمبلی بنی تحریک انصاف چھوڑنے کے بعد یہ اسبلی کی سیٹ نہیں چھوڑ رہی۔ فواد چوہدری نے کہا کہ موجودہ صورتحال میں جیسی کو تیسی کی سیاست کریں گے ن لیگ ہمیں ایک تھپڑ مارے گی تو ہم جواب میں دو تھپڑ ن لیگ کو ماریں گے۔
