لاہور( این این آئی)سابق وزیراعظم محمدنواز شریف کے موٹر وے کی بجائے بذریعہ جی ٹی روڈ لاہور آمد کے اعلان پرصوبائی وزراء ، اراکین اسمبلی ،رہنماؤں، بلدیاتی نمائندوں اور کارکنوں میں خوشی کی لہر دوڑ گئی ہے۔ نواز شریف کی لاہور آمد کی مناسبت سے مال روڈ سمیت پنجاب کے مختلف شہروں کی شاہراہوں ،مارکیٹوں اور گلی محلوں میں ہزاروں کی تعداد میں خیر مقدمی
بینرز اور فلیکسز آویزاں کر دئیے گئے ۔ رہنماؤں کی طرف سے کئی مقامات پر قیادت کی تصاویر والے جہازی سائز ہورڈنگز بھی لگائے گئے ہیں ۔مختلف شاہراہوں پر آویزاں بینرز اور فلیکسز پر یا اللہ یا رسولؐ نواز شریف بے قصور ، قائد تیرا اک اشارہ حاضر حاضر لہوہمارا ، حکومت اسی کی ہے جو دلوں میں بستا ہے ،پاکستان کا لیڈر نواز شریف سمیت دیگر نعرے تحریر ہیں۔
