اسلام آباد (مانیٹرنگ ڈیسک) عمران خان کی عائشہ گلالئی سے آخری ملاقات میں کیا گفتگو ہوئی؟ چشم دید گواہ تفصیلات سامنے لے آیا، تفصیلات کے مطابق تحریک انصاف کے رہنما رحیم آفریدی جن کا تعلق خیبر ایجنسی فاٹا سے ہے نے کہا ہے کہ تحریک انصاف کے چیئرمینعمران خان سے گلالئی این اے ون پشاور کا ٹکٹ مانگ رہی تھی، جس پر عمران خان نے کہا کہ میں اکیلا ٹکٹ کا فیصلہ نہیں کر سکتا بلکہ پارلیمانی بورڈ اس کا فیصلہ کرے گا۔ رحیم آفریدی نے بتایا کہ عمران خان سے ملاقات سے پہلے
گلالئی کی اپنے والد سے ملاقات ہوئی تھی جس میں ان کے والد نے ان سے کہا کہ بولڈ باتیں کرنا اور این اے 1 کا ٹکٹ ہر صورت کنفرم کرنا ہے۔ رحیم آفریدی نے سوشل میڈیا پر گلالئی اور عمران خان کی خبروں کے جواب میں ان کی آخری ملاقات کے بارے میں تمام حقائق سے پردہ اٹھایا۔ رحیم آفریدی نے مزید کہا کہ گلالئی کے والد انہیں بار بار کہہ رہے تھے کہ مختلف وزیروں اور خاص کر پرویز خٹک کے بارے میں بات کرنا اور ان کے والد کا اس بات پر زیادہ اصرار تھا کہ این اے ون کا ٹکٹ لینا ہے۔
