اسلام آباد (مانیٹرنگ ڈیسک) عمران خان اور یحییٰ خان میں کیا چیز مشترکہ ہے؟ تفصیلات کے مطابق معروف کالم نگار عمار مسعود نے عائشہ گلالئی کے معاملے پر عمران خان کا موازنہ سابق ڈکٹیٹر یحییٰ خان سے کردیا، عمار مسعود نے سماجی رابطوں کی ویب سائٹ ٹوئٹر پر اپنے پیغام میں کہا کہ عمران خان پر جو الزامات لگ رہے ہیں ہماری تاریخ میں اس طرح کے الزامات اس سے پہلے صرف یحییٰ خان پر لگے ہیں،
کیا دونوں کا تاریخ میں ایک ہی کردار ہے؟۔ عمار مسعود ایک قومی روزنامے میں کالم لکھ رہے ہیں اس کے علاوہ وہ کئی سال سے پی ٹی وی پر ’’رات گئے‘‘ کے نام سے ادبی پروگرام بھی کر رہے ہیں، وہ معروف شاعر انور مسعود کے بیٹے ہیں۔ واضح رہے کہ ڈکٹیٹر یحییٰ خان کو شراب اور عورتوں کا رسیا سمجھا جاتا تھا اور ان کا گلوکارہ ملکہ ترنم نورجہاں اور جنرل رانی کے ساتھ بیک وقت معاشقہ بھی چلتا رہا۔
