اسلام آباد (مانیٹرنگ ڈیسک) عمران خان پر تابڑ توڑ حملے، فلیٹ سکینڈل، عائشہ گلالئی اور اب ریحام خان کی کتاب بھی منظر عام پر، معروف صحافی و تجزیہ کار عارف نظامی نے ایک نجی ٹی وی پروگرام میں بات چیت کرتے ہوئے انکشاف کیا کہ ریحام خان کی کتاب الیکشن 2018ء سے پہلے آئے گی اور سیاسی دنیا میں ہلچل مچا کر رکھ دے گی۔ انہوں نے مزید کہا کہ عمران خان نے جس دن نعرہ لگایا ’’زرداری اب تیری باری‘‘ اس نعرے کے اگلے ہی دن عائشہ گلالئی کا واقعہ

پیش آ گیا۔ عائشہ گلالئی اس سے پہلے ہی پاکستان پیپلز پارٹی کے اہم لوگوں سے رابطے میں تھی۔ عائشہ گلالئی خود بھی کہہ چکی ہے کہ وہ مسلم لیگ (ن) میں نہیں جا رہی اور عائشہ گلالئی نے امیر مقام سے رابطے سے بھی انکار کیا ہے۔ واضح رہے کہ سینئر صحافی عارف نظامی کی عمران خان کی نجی زندگی سے متعلق بیشتر پیش گوئیاں سچ ثابت ہوئی ہیں، عمران خان کی ریحام خان سے شادی اس کے بعدگھر میں ہونے والی تلخی اور طلاق کی خبر بھی عارف نظامی نے ہی دی تھی۔

موضوعات:عارف نظامی