اسلام آباد(مانیٹرنگ ڈیسک) میرے ساتھ بھی زیادتی ہوئی، شیریں مزاری نے بھی بڑا مطالبہ کر دیا، تفصیلات کے مطابق تحریک انصاف کی رہنما شیر مزاری نے کہا کہ عائشہ گلالئی کے الزامات پر اسمبلی نے کمیٹی تشکیل دینے کے لیے قرار داد منظور کر لی، شیریں مزاری نے اس کمیٹی کی مخالفت کرتے ہوئے کہا کہ خواجہ آصف نے مجھے بھرے ایوان میں گالی دی اور معافی تک نہیں مانگی، خواجہ آصف کا تو ثبوت ہے کہ انہوں نے

بھرے ایوان میں مجھے گالی دی، اگر عائشہ گلالئی پر کمیٹی بنا رہے ہیں تو خواجہ آصف کے خلاف بھی بننی چاہیے۔ شیریں مزاری نے وزیراعظم شاہد خاقان عباسی کی ان کیمرہ کمیٹی تشکیل دینے کی تجویز کو مسترد کرتے ہوئے کہا کہ جب خواجہ آصف نے گالی دی تھی تو مسلم لیگ (ن) کی خواتین اس وقت خاموش تھیں، انہیں اس وقت شرم اور حیا نہیں آئی اور عورتوں کو اسمبلی کے فلور پر گالی دینا شرم و حیا کی بات نہیں تو اور کیا ہے۔