اسلام آباد (آن لائن) مسلم لیگ کے راہنما دانیال عزیز نے کہا ہے کہ وزارت کے معاملے پر میری ناراضگی کی خبریں بے بنیاد ہیں ۔ نواز شریف کا ساتھی ہوں ان کے لئے دل سے کام کروں گا ۔ انہوں نے یہ وضاحتی بیان ان کی جانب سے وفاقی کابینہ کی تقریب حلف برداری میں عدم شرکت اور حلف نہ اٹھانے کے بعد آنے والی اطلاعات پر ردعمل کے طور پر دیا ۔
دانیال عزیز نے کہا کہ وزارت تو دور کی بات میری کسی بھی معاملے پر پارٹی قیادت سے کوئی اختلاف ہے اور نہ میں ناراض ہوں ۔ میری ناراضگی کے حوالے سے تمام خبریں اور اطلاعات غیر حقیقت پسندانہ اور بے بنیاد ہیں ۔ انہوں نے کہا کہ میں (ن) لیگ کا سپاہی اور نواز شریف کا ساتھی ہوں لہذا قیادت جیسے کہے گی ویسا ہی کروں گا اور میاں صاحب کے لئے ہر صورت دل سے کام کرتا رہوں گا ۔
