اسلام آباد (آئی این پی )وزیر اعظم شاہد خا قان عباسی کی نئی 47 رکنی وفاقی کابینہ نے حلف اٹھالیا، نئی کابینہ میں28 وفاقی وزرااور19وزرائے مملکت شامل ہیں، تاہم ایک وفاقی وزیر اور دو وزرائے مملکت نے حلف نہیں اٹھایا ، حلف اٹھانے والوں میں28وفاقی وزرااور16وزرائے مملکت شامل ہیں جن میں خواجہ محمد آصف وزیرخارجہ،احسن اقبال وزیر داخلہ ، خرم دستگیر وزیر دفاع ،
اسحاق ڈار بدستور وزیر خزانہ ، سردار محمد یوسف بدستور وفاقی وزیر مذہبی امور اور مریم اورنگزیب وزیر مملکت اطلاعات اورسائرہ افضل تارڑکووفاقی وزیر نیشنل ہیلتھ ریگولیشنز رہیں گے، نئے چہروں میں دانیال عزیز کو وزارت مملکت امور کشمیر، جنید انوار کو وزیر مملکت مواصلات ، کا قلمدان حوالے کیا گیا ۔جمعہ کو یہاں ایوان صدر میں حلف برداری کی تقریب منعقد ہوئی جس میں نئی وفاقی کابینہ کے ارکان نے حلف اٹھایا ۔ صدر مملکت ممنون حسین نے کابینہ کے ارکان سے حلف لیا۔ پاس موقع پر اراکین قومی اسمبلی وسینیٹ ، ممتاز شخصیات کی بڑی تعدادشریک تھی ۔ پہلے وفاقی وزراء اور بعد میں وزرائے مملکت سے حلف لیاگیا۔وزارت توانائی کے نام سے نئی وزارت قائم ہو گی، نئی کابینہ میں28 وفاقی وزرااور19وزرائے مملکت شامل ہیں، جن میں خواجہ محمد آصف وزیرخارجہ،احسن اقبال وزیر داخلہ ، خرم دستگیر وزیر دفاع ،سردار محمد یوسف بدستور وفاقی وزیر مذہبی امور ہی رہیں گے۔اسحاق ڈار ایک بار پھر وزیر خزانہ ہوں گے۔نئی کابینہ میں مریم اورنگزیب کو وزیر مملکت برائے اطلاعات کا منصب دیا گیا ہے۔وفاقی کابینہ میں دانیال عزیز کو وزارت امور کشمیر، جنید انوار کو وزیر مملکت مواصلات ،سائرہ افضل تارڑکو وزیر مملکت نیشنل ہیلتھ ریگولیشنز کا قلمدان حوالے کیا گیا ہے۔دیگر وفاقی وزرامیں پرویزملک،اویس لغاری،
خواجہ آصف،اکرم درانی،ریاض پیرزادہ ، حافظ عبدالکریم، رانا تنویر، جاوید علی شاہ اوربلیغ الرحمان شامل ہیں جبکہ سعدرفیق،کامران مائیکل،عبدالقادربلوچ،سکندرحیات بوسن ،سینیٹر مشاہد اللہ اور محسن شاہنواز بھی وزیربن گئے۔نئی کابینہ کی منظوری سابق وزیراعظم نواز شریف نے دی۔چودھری نثار نے کابینہ میں شمولیت سے معذرت کرلی۔وزیر اعظم شاہد خاقان عباسی نے وفاقی کابینہ
کے نامزد ارکان کو خود ٹیلی فون کر کے انہیں وفاقی کابینہ کا حصہ بنانے سے آگاہ کیا۔ذرائع کے مطابق نئی وفاقی کابینہ میں نئے افراد کو بھی شامل کیا گیا ہے جن میں سینیٹر مشاہد اللہ خان، پرویز ملک، طلال چوہدری، جنید انوار چوہدری، دانیال عزیز اور محسن شاہنواز شامل ہیں۔تجزیہ کاروں نے خواجہ آصف کو وزیر خارجہ بنائے جانے کے فیصلے کو کافی اہم قرار دیاہے ۔
ماضی میں کل وقتی وزیر خارجہ نہ ہونے کی وجہ سے مسلم لیگ (ن) کی حکومت پر کڑی تنقید کی جاتی رہی ہے۔ذرائع کے مطابق دانیال عزیز وزیر مملکت وزارت امور کشمیر کا عہدہ ملنے پر ناراض ہوگئے انہوں نے ووفاقی وزارت دیئے جانے کا مطالبہ کیاتھا تاہم انہیں وزارت مملکت دی گئی جس پر وہ ناراض ہوگئے اورحلف اٹھانے ایوان صدر نہ آئے ۔ حلف نہ اٹھانے والوں میں
دانیال عزیز دوستین ڈومکی اور ممتاز تارڑ شامل ہیں۔ ایک وفاقی وزیر اور دو وزرائے مملکت نے حلف نہیں اٹھایا ، حلف اٹھانے والوں میں28وفاقی وزرااور16وزرائے مملکت شامل ہیں۔
