لاہور( این این آئی)سپریم کورٹ لاہور رجسٹری میں سابق وزیر اعظم محمد نواز شریف اور ان کے اہل خانہ کا نام ایگزٹ کنٹرول لسٹ میں ڈالنے کی درخواست دائر کر دی گئی۔ خدائی خدمت گزار تنظیم کی طرف سے دائر درخواست میں موقف اختیار کیا گیا ہے کہ سپریم کورٹ نے محمد نوازشریف، ان کے بچوں اور ان کے داماد کیپٹن (ر)صفدر کیخلاف
نیب ریفرنس دائر کرنے کا حکم دیا لیکن چیئرمین نیب نے تاحال نواز شریف اور ان کے اہل خانہ کی گرفتاری کا حکم نہیں دیا۔درخواست میں خدشہ ظاہر کیا گیا ہے کہ محمد نواز شریف اور ان کے اہل خانہ بیرون ملک فرار ہو سکتے ہیں لہٰذامحمد نواز شریف، مریم نواز، کیپٹن (ر)ریٹائرڈ صفدر، حسن نواز اور حسین نواز کا نام ای سی ایل میں ڈالا جائے۔
