اسلام آباد (مانیٹرنگ ڈیسک) عمران خان کے قابل اعتراض ایس ایم ایس، کیا لکھ کر بھیجتے رہے؟ عائشہ گلالئی کے افسوسناک انکشافات، بات بڑھ گئی، ایک نجی ٹی وی چینل سے گفتگو کرتے ہوئے تحریک انصاف کی ناراض رکن قومی اسمبلی عائشہ گلالئی نے چیئرمین تحریک انصاف عمران خان پر سنگین الزامات لگائے ہیں، عائشہ گلالئی نے کہا کہ عمران خان اور تحریک انصاف کی اعلیٰ قیادت انہیں نازیبا ٹیکسٹ پیغامات بھجواتے تھے ان پیغامات میں ایسی ایسی چیزیں تھیں جنہیں میں یہاں بیان نہیں
کر سکتی۔ جس سے مجھے ذہنی اذیت ہوئی، عائشہ گلالئی نے کہا کہ عمران خان سے این اے ون کے ٹکٹ کے حوالے سے ہلکی سی بات چیت ہوئی تھی، انہوں نے کہا کہ مجھے پتہ ہے کہ تحریک انصاف کا ٹکٹوں کی تقسیم کے متعلق ابھی تک کوئی بورڈ نہیں بنا اور الیکشن میں بھی ابھی دس ماہ باقی ہیں۔ میں نے این اے ون کے ٹکٹ کے لیے تحریک انصاف کو نہیں چھوڑا اور میں عمران خان اور تحریک انصاف کی اعلیٰ قیادت کی طرف سے بھیجے گئے پیغامات کے متعلق اپنی پریس کانفرنس میں بتاؤں گی۔
