اسلام آباد (آن لائن) سابق سیکرٹری الیکشن کمیشن کنور دلشاد نے کہا ہے کہ نواز شریف پارٹی قیادت سے نا اہل ہو چکے ہیں اس لئے وہ عبوری یا مستقل وزیراعظم نامزد نہیں کر سکتے۔ گزشتہ روز میڈیا سے گفتگو کرتے ہوئے انہوں ے کہا کہ سپریم کورٹ کے فیصلے کی روشنی میں میاں نواز شریف وزارت عظمیٰ کے ساتھ ساتھ مسلم لیگ (ن) کی قیادت کے لئے بھی نا اہل ہو گئے ہیں
اور اب بھی تو یہ بھی سوال بہت اہم ہے کہ انکی نا اہلی کے بعد پارٹی کا وجود بھی قائم ہے یا نہیں؟ کیونکہ اب یہ معاملہ الیکشن کمیشن میں جائے گا جہاں پر مسلم لیگ نواز کے نام سے رجسٹرڈ ہے اور جب نواز شریف ہی نا اہل ہو گئے تو پھر پارٹی کا وجود بھی نہیں ہے۔ انہوں نے کہا کہ پنجاب ہاؤس میں نواز شریف نے مسلم لیگ کے اجلاس کی صدارت کی وہ بھی غیر آئینی تھی اور عبوری اور مستقل وزیراعظم کی نامزدگی بھی غیر آئینی ہے۔
