اسلام آباد (مانیٹرنگ ڈیسک) شہباز شریف وزیراعظم؟ ریاض الحق جج کا اچانک بڑا سرپرائز، تفصیلات کے مطابق حلقہ این اے 144 اوکاڑہ سے مسلم لیگ (ن) کے رہنما ریاض الحق جج نے نشست خالی کرنے کا اعلان کر دیا ہے، مسلم لیگ (ن) نے وزیراعلیٰ پنجاب شہبازشریف کواین اے 154سے قومی اسمبلی کا الیکشن لڑوانے پرغورشروع کردیا ہے، میڈیا ذرائع کے مطابق سابق وزیراعظم نوازشریف کی نااہلی کے بعد مسلم لیگ (ن) نے عبوری وزیراعظم کے لیے شاہدخاقان عباسی جبکہ آئندہ مدت کے لیے مستقل وزیراعظم کے طور پر

شہبازشریف کو نامزدکیا ہے۔ شہباز شریف کو نواز شریف کی خالی نشست این اے 120 سے الیکشن لڑوانے کا فیصلہ کیا گیا تھا مگر اب مسلم لیگ (ن) کی قیادت نے شہباز شریف کو این اے 144 اوکاڑہ کی نشست پر الیکشن لڑوانے کے لیے غور شروع کر دیا ہے، اوکاڑہ کی اس نشست پر مسلم لیگ (ن) کے رہنما ریاض الحق جج بھاری اکثریت سے الیکشن جیتے تھے، ماضی میں بھی یہ نشست مسلم لیگ کے پاس ہی رہی ہے، اب شہباز شریف کے لیے ریاض الحق جج نے این اے 144 کی نشست خالی کرنے کا اعلان کر دیا ہے۔

موضوعات:ریاض الحق جج