اسلام آباد (این این آئی)قومی احتساب بیورو (نیب )نے سپریم کورٹ کے فیصلے کی روشنی میں نوازشریف ٗ حسن نواز ، حسین نواز اور مریم نواز کیخلاف ریفرنس دائر کرنے کا فیصلہ کیا ہے۔ چیئرمین نیب قمر زمان چوہدری کی زیر صدارت نیب ایگزیکٹو بورڈ کا اجلاس ہوا جس میں فیصلہ کیا گیا کہ یہ ریفرنس نیب راولپنڈی کی جانب سے چار مختلف ایشوز پر دائر کیا
جائے گا۔ نجی ٹی وی کے مطابق کے مطابق شریف خاندان کے خلاف ریفرنس نیب راولپنڈی کی جانب سے دائر کیا جائے گا۔نوازشریف، حسن، حسین نواز اور مریم نواز کے خلاف ریفرنسز دائر ہوں گے، شریف خاندان کے خلاف چار مختلف ایشوز پر ریفرنس دائرہوں گے۔اجلاس میں فیصلہ کیا گیا کہ ریفرنسز میں اسحاق ڈار اور کیپٹن ریٹائرڈ صفدر کے نام بھی شامل ہوں گے۔
