اسلام آباد (مانیٹرنگ ڈیسک) خطرے کی گھنٹی بج گئی، ن لیگ کے اہم رہنما فیملی سمیت ملک سے باہر چلے گئے، تفصیلات کے مطابق سابق وزیر خزانہ اسحاق ڈار ریفرنس کھلنے کے ڈر سے اہل خانہ سمیت دبئی روانہ ہو گئے ہیں، سابق وزیر خزانہ اسحاق ڈار نئی کابینہ کا حصہ نہیں ہوں گے وہ لندن چلے جائیں گے، ذرائع کا کہنا ہے کہ سابق وزیر خزانہ اسحاق ڈار اور غلام مرتضیٰ صابر انتہائی خاموشی سے دبئی پہنچ گئے ہیں، اسحاق ڈار اپنی
فیملی کے ہمراہ اتوار کے روز دبئی پہنچے۔ تجزیہ کاروں کے مطابق سپریم کورٹ کے پاناما کیس کے فیصلے کے تحت اسحاق ڈار کے خلاف نیب میں ریفرنس کھولنے اور تحقیقات دوبارہ شروع کرنے کے عمل کی نگرانی سپریم کورٹ کے جج کے حوالے ہونے کے بعد اسحاق ڈار پاکستان چھوڑ کر دبئی روانہ ہو گئے ہیں، ذرائع کا مزید کہنا ہے کہ سابق وزیر خزانہ اسحاق ڈار وہاں سے لندن جائیں گے اور لندن سے ان کی واپسی کے امکانات بہت کم ہیں۔
