اسلام آباد(آئی این پی )نامزد عبوری وزیراعظم شاہد خاقان عباسی کے پاس وزیراعظم ہاؤس سے ’’پروٹوکول اسٹاف ‘‘پہنچ گیا، انتخاب سے قبل شاہد خاقان عباسی نے پروٹوکول لینے سے انکار کردیا ۔ اتوار کی سہ پیر تین بجے پارلیمنٹ ہاؤس میں نامزد عبوری وزیراعظم شاہد خاقان عباسی کی موجودگی کی اطلاع ملنے پر تین اعلیٰ ترین پروٹوکول اسٹاف کے مستعد اراکین پارلیمنٹ ہاؤس پہنچ گئے ۔
اسپیکر قومی اسمبلی سردار ایاز صادق کے چیمبر میں جا کر شاہدخاقان عباسی سے ملاقات کی ۔ پروٹول اسٹاف ان کے ہمراہ فرائض کی انجام دہی شروع کرنا چاہتا تھا اور مولانا فضل الرحمان کے پاس جانے کیلئے پروٹول سٹاف ان کے پاس پہنچا تھا تاہم وزیراعظم کے باضابطہ انتخاب تک شاہد خاقان عباسی نے پروٹوکول لینے سے انکار کردیا اور پروٹوکول سٹاف کو واپس بھیج دیا ۔
