اسلام آباد (مانیٹرنگ ڈیسک) اندرون خانہ رابطے چل رہے ہیں یا کوئی اور بات ہے؟ چوہدری نثار کیا جانتے تھے؟ نواز شریف سے الگ کیوں ہوئے؟ تفصیلات کے مطابق تحریک انصاف کے چیئرمین عمران خان نے ایک نجی ٹی وی چینل کے پروگرام میں گفتگو کرتے ہوئے کہا کہ چوہدری نثار کو معلوم ہو گیا تھا کہ قطری خط محض ایک فراڈ ہے اور یہی وجہ تھی کہ چوہدری نثار علی خان نے خود

کو سابق وزیراعظم نواز شریف اور ان کے ساتھیوں سے دور کر لیا تھا۔ عمران خان نے مزید کہا کہ انہیں توقع تھی کہ چوہدری نثار کوئی بڑا اور دلیرانہ فیصلہ کریں گے لیکن چوہدری نثار کے فیصلے نے مجھے مایوس کیا ہے۔ واضح رہے کہ سابق وزیر داخلہ چوہدری نثار نے جمعرات کے روز اپنی پریس کانفرنس میں کہا تھا کہ پاناما کیس کا فیصلہ آنے پر وہ سیاست سے کنارہ کشی اختیار کر لیں گے۔