اسلام آباد (مانیٹرنگ ڈیسک) ملک شدید خطرے میں، چوہدری نثار کا دو اہم فوجی افسران اور سیاستدانوں کے بارے میں چونکا دینے والا انکشاف، تفصیلات کے مطابق چوہدری نثار علی خان نے اپنی پریس کانفرنس میں کہا کہ ملک اس وقت شدید خطرے میں ہے، یہ بات چار لوگ جانتے ہیں دو کا تعلق فوج سے ہے اور دو سیاست دان ہیں، انہوں نے مزید کہا کہ ان کے نام نہیں بتاؤں گا، چوہدری نثار نے کہا کہ ملک کو چاروں طرف سے گھیرا جا رہا ہے،

ملک اور قوم کو اتحاد سے مقابلہ کرنا ہو گا۔ اس کے علاوہ پاناما کیس کا فیصلہ جو بھی آئے مخالفت میں یا حق میں، وزیراعظم نواز شریف اور تمام سیاست دانوں کو قوم کو ہر صورت متحد رکھنا ہوگا، انہوں نے کہا کہ جس وقت بنگلہ دیش بنا تھا اس وقت کے صدر یحییٰ خان پر بنگلہ دیش کی علیحدگی کا الزام لگا حالانکہ اس کے پیچھے اور محرکات بھی موجود تھے اس لیے پاناما کیس کے فیصلے کے وقت قوم کو متحد رکھ کر خطرات کا مقابلہ کرنا ہوگا۔