اسلام آباد (مانیٹرنگ ڈیسک) نواز شریف کے ساتھ ساتھ عمران خان بھی سیاسی منظر نامے سے غائب، ایسی خبر سنا دی گئی جس کی کسی کو توقع تک نہیں تھی، تفصیلات کے مطابق پیپلز پارٹی کے سینئر رہنما اور قومی اسمبلی میں قائد حزب اختلاف خورشید شاہ نے ایک نجی ٹی وی چینل کے پروگرام میں گفتگو کرتے ہوئے کہا کہ وزیراعظم نواز شریف تو جائیں گے ہی ان کے پیچھے پیچھے عمران خان بھی جائیں گے۔

انہوں نے کہا کہ عدالتیں عمران خان کو بھی بھیجیں گی، خورشید شاہ نے بات چیت کرتے ہوئے کہا کہ میں ایک مہینہ پہلے ہی یہ بات کہہ چکا ہوں کہ اگر نواز شریف جائیں گے تو عمران خان بھی جائیں گے۔ عمران خان نے ابھی تک پیسوں کے لین دین کے بارے میں کچھ نہیں بتایا اور نہ ہی انہوں نے غیر ملکی فنڈنگ کے بارے میں کچھ ظاہر کیا ہے، عمران خان کو بھی عدالتیں نا اہل قرار دے دیں گی۔