اسلام آباد (مانیٹرنگ ڈیسک) گورنر سندھ زبیر عمر کے ساتھ دوران پرواز جہاز میں مسافروں کا افسوسناک سلوک، تفصیلات کے مطابق سندھ کے گورنر زبیر عمر کو ہوائی جہاز کے اندر گو نواز گو کے نعروں کا سا منا کرنا پڑ گیا۔ گورنر سندھ اتوار کو پی آئی اے کی معمول کی پرواز پی کے370 کے ذریعے کراچی سے اسلام آباد آرہے تھے۔ گورنر سندھ کو اس وقت ان نعروں کا سامنا کرنا
پڑ گیا جب وہ اکانومی کلاس میں عام مسافروں کے ساتھ سفر کرتے ہوئے اپنی نشت سے اٹھے اور واش روم جانے لگے تو جہاز میں سوار مسافروں نے انہیں دیکھتے ہی ’’گو نواز گو‘‘ کے نعرے لگانے شروع کر دیے۔ گورنر سندھ زبیر خاموشی سے واش روم گئے اور واپس آ کر اپنی نشت پر بھی بیٹھ گئے مگر مسافروں کے نعرے نے تھمے آخرکار جہاز کے عملے نے مسافروں کو چپ کرایا۔
