اسلام آباد (مانیٹرنگ ڈیسک) تمام نام دوڑ سے باہر، وزیراعظم اس کو بنایا جا رہا ہے جو سب کا دوست ہے، معروف صحافی نے حیرت انگیز نام بتا دیا، تفصیلات کے مطابق وزیراعظم میاں محمد نواز شریف کی جانب سے قومی اسمبلی کے سپیکر ایاز صادق کو وزیراعظم بنانے پر غور کیا جا رہا ہے۔ معروف صحافی عارف نظامی نے دعویٰ کیا ہے کہ وزیراعظم نواز شریف اپنی ممکنہ نا اہلی کے باعث پلان بی پر عمل درآمد کے لیے غور کر رہے ہیں۔ وزیراعظم نواز شریف نے قومی اسمبلی کے سپیکر ایاز صادق کو ہنگامی طور پر وطن واپس بلا لیا ہے۔
وزیراعظم نے ایاز صادق کو وزیراعظم بنانے کا فیصلہ اس لیے بھی کیا ہے کہ ایاز صادق چوں کہ چوہدری نثار کے قریبی دوست ہیں، اس طرح وہ چوہدری نثار کی ناراضگی ختم کرنے کی کوشش بھی کر رہے ہیں۔ وزیراعظم کی ممکنہ نااہلی کی صورت میں سپیکر قومی اسمبلی ایاز صادق کو اگلے سال تک وزیراعظم بھی بنایا جا سکتا ہے، کل سپریم کورٹ میں پاناما کیس کی اہم سماعت ہے اور وزیراعظم کو نااہل قرار دیے جانے کا امکان ظاہر کیا جا رہا ہے بہرحال بہت سے قانونی ماہرین کے مطابق سپریم کورٹ میں یہ کیس ابھی مزید چلے گا۔
